Horarios V Seminario Jazz e Música Moderna. Burela 2012

Open publication - Free publishing - More 2012

Aberto prazo de inscrición no V Seminario de Jazz e Música Moderna de Burela

Informamos que ven de abrirse o prazo de inscrición no V Seminario de Jazz e Música Moderna de Burela, que terá lugar do 16 ao 20 de Xullo. Durante os cinco días de duración deste curso, o alumnado poderá asistir a clases de instrumento e harmonía moderna, participar nos distintos combos que se organicen, así como tamén asistir aos concertos e participar nas jam sessions que haberá diariamente ao finalizar as clases .

Nesta edición, amplíase o profesorado participante con respecto ao IV Seminario, mellorando deste xeito a proposta didáctica e ofrecendo novas especialidades instrumentais que se imparten este ano por primeira vez neste Seminario.

Profesorado:

• Leo Giannetto. Voz e Guitarra
• Harry C. Violín
• José Nine. Saxofón e Frauta.
• Rubén Salvador. Trompeta e Fliscorno
• Roberto Pacheco. Trombón
• Javier Constenla. Piano
• Quique Alvarado. Baixo
• Miguel Cabana. Batería

 

O prezo da matrícula será de 80 € e de 50 € para socios e socias da Asociación Mariña Jazz (AMAJAZZ), entidade organizadora do V Seminario. Existe a posibilidade de facerse socio desta asociación para así poder beneficiarse do desconto no importe da matrícula, así como participar doutras actividades que se organicen durante todo o ano, como master class, jam sessions...

A organización tamén facilita distintas posibilidades de aloxamento para as persoas que asistan de fóra de Burela. Podedes descargar aquí a ficha de inscrición.

As persoas interesadas poden porse en contacto coa organización a través do correo electrónico asociacion.marina.jazz@gmail.com ou ben nos teléfonos 686.435.987 e 616.995.013.

Irase actualizando a información nos próximos días coas novidades que vaiamos tendo, como información sobre o profesorado, concertos, etc.

Vémonos en Burela!

Nace AMAJAZZ, Asociación Mariña Jazz

Nace AMAJAZZ, Asociación Mariña Jazz, que se encargará da organización do V Seminario de Jazz e Música Moderna, entre outras actividades que irán programando como jam sessions, master class, información sobre concertos...

O equipo promotor desta asociación convoca a todos os participantes en anteriores edicións do Seminario de Jazz e Música Moderna, así como a todas as persoas interesadas, ao acto de presentación de AMAJAZZ, que se celebrará o vindeiro venres, 4 de maio, ás 20:30 horas, na Sala de Conferencias de Burela (Antiga Biblioteca). 

Os promotores explicarán os fins nos que se fundamenta esta asociación sen ánimo de lucro e recollerán todas as ideas e propostas que podan xurdir por parte das persoas asistentes ao acto. Avanzan que os socios e socias beneficiaranse de descontos na matrícula do Seminario de Jazz.

As persoas interesadas poden contactar cos responsables de AMAJAZZ no correo electrónico asociacion.marina.jazz@gmail.com

AMAJAZZ é unha asociación sen ánimo de lucro co simple afán de achegar o Jazz a afeccionados e profesionais da música, entendendo este como un xénero no que se inspiran un grande número de estilos e tendencias musicais. Partindo deste principio, os seus fins principais son:

- Promover o estudo do jazz e a improvisación musical.

- Dinamizar a cultura musical na Mariña

- Potenciar a educación en valores a través da práctica musical grupal.

- Fomentar a dimensión lúdica e social da música.

- Favorecer a participación activa de todos os socios e socias na organización de actividades.