Seminario de Jazz e Música Moderna Burela: burela

Hai só uns días anunciábamos a celebración do VI Seminario de Jazz e Música Moderna, que terá lugar en Burela entre o 15 e o 19 de xullo. Hoxe informamos a todas as persoas interesadas en asistir, que desde este momento e ata o 7 de xullo, poderán realizar a súa solicitude de inscrición.

Tedes toda a información relativa a horarios, profesorado, prezos, aloxamento, impresos... na pestana "VI Seminario" na parte superior do blog. As persoas que desexen inscribirse deberán enviar a documentación requerida ao enderezo electrónico: asociacion.marina.jazz@gmail.com

Profesorado VI Seminario:

Leo Giannetto. Voz e guitarra
Harry C (Milladoiro). Violín-corda
Roberto Bouça. Saxofón-vento madeira
José Nine. Saxofón-vento madeira
Rubén Salvador. Trompeta-vento metal
Roberto Pacheco. Trombón-vento metal
Javier Constenla. Piano
Quique Alvarado. Baixo eléctrico
Israel Arranz. Vibráfono-percusión
Miguel Cabana. Batería-percusión
Dimitris Angelakis. Vibráfono (artista convidado)

Informamos que ven de abrirse o prazo de inscrición no V Seminario de Jazz e Música Moderna de Burela, que terá lugar do 16 ao 20 de Xullo. Durante os cinco días de duración deste curso, o alumnado poderá asistir a clases de instrumento e harmonía moderna, participar nos distintos combos que se organicen, así como tamén asistir aos concertos e participar nas jam sessions que haberá diariamente ao finalizar as clases .

Nesta edición, amplíase o profesorado participante con respecto ao IV Seminario, mellorando deste xeito a proposta didáctica e ofrecendo novas especialidades instrumentais que se imparten este ano por primeira vez neste Seminario.

Profesorado:

Leo Giannetto. Voz e Guitarra
Harry C. Violín
José Nine. Saxofón e Frauta.
Rubén Salvador. Trompeta e Fliscorno
Roberto Pacheco. Trombón
Javier Constenla. Piano
Quique Alvarado. Baixo
Miguel Cabana. Batería

O prezo da matrícula será de 80 € e de 50 € para socios e socias da Asociación Mariña Jazz (AMAJAZZ), entidade organizadora do V Seminario. Existe a posibilidade de facerse socio desta asociación para así poder beneficiarse do desconto no importe da matrícula, así como participar doutras actividades que se organicen durante todo o ano, como master class, jam sessions...

A organización tamén facilita distintas posibilidades de aloxamento para as persoas que asistan de fóra de Burela. Podedes descargar aquí a ficha de inscrición.

As persoas interesadas poden porse en contacto coa organización a través do correo electrónico asociacion.marina.jazz@gmail.com ou ben nos teléfonos 686.435.987 e 616.995.013.

Irase actualizando a información nos próximos días coas novidades que vaiamos tendo, como información sobre o profesorado, concertos, etc.

Vémonos en Burela!